శ్రీపాద శ్రీవల్లభ త్వం సదైవ । శ్రీదత్తాస్మాన్పాహి దేవాధి దేవ ।
భావగ్రాహ్య క్లేశహారిన్సుకీర్తే । ఘోరాత్కష్టాదుద్ధరాస్మాన్నమస్తే ॥౧॥
త్వం నో మాతా త్వం పితాఽప్తోఽధిపస్త్వం । త్రాతా యోగక్షేమకృత్సద్గురుస్త్వమ్।
త్వం సర్వస్వం నో ప్రభో విశ్వమూర్తే । ఘోరాత్కష్టాదుద్ధరాస్మాన్నమస్తే ॥౨॥
పాపం తాపం వ్యాధిమాధిం చ దైన్యం । భీతిం క్లేశం త్వం హరాశు త్వదన్యమ్ ।
త్రాతారం నో వీక్ష ఈశాస్త జూర్తే । ఘోరాత్కష్టాదుద్ధరాస్మాన్నమస్తే ॥౩॥
నాన్యస్త్రాతా నాపి దాతా న భర్తా । త్వత్తో దేవ త్వం శరణ్యోఽకహర్తా ॥
కుర్వాత్రేయానుగ్రహం పుర్ణరాతే । ఘోరాత్కష్టాదుద్ధరాస్మాన్నమస్తే ॥౪॥
ధర్మేప్రీతిం సన్మతిం దేవభక్తిమ్ । సత్సంగాప్తిం దేహి భుక్తిం చ ముక్తిమ్ ।
భావాసక్తిం చాఖిలానన్దమూర్తే । ఘోరాత్కష్టాదుద్ధరాస్మాన్నమస్తే ॥౫॥
॥శ్లోకపంచకమేతద్యో లోకమంగళవర్ధనమ్ ॥
॥ప్రపఠేన్నియతో భక్త్యా స శ్రీదత్తప్రియోభవేత్ ॥
శ్రీవాసుదేవానందసరస్వతీ స్వామీ విరచితం ఘోరకష్టోద్ధరణ స్తోత్రమ్
No comments:
Post a Comment