నరహరి శర్మ విరచిత శ్రీ నరసింహ సరస్వతీ స్తోత్రం

 

 

కోట్యర్కభం కోటిసుచన్ద్రశాన్తం

విశ్వాశ్రయం దేవగణార్చితాఙ్ఘ్రిమ్।

భక్తప్రియం త్వాత్రిసుతం వరేణ్యం

వన్దే నృసింహేశ్వర పాహి మాం త్వమ్ ॥ 1

 

మాయాతమోఽర్కం విగుణం గుణాఢ్యం

శ్రీవల్లభం స్వీకృతభిక్షువేషమ్

సద్భక్తసేవ్యం వరదం వరిష్ఠం

వన్దే నృసింహేశ్వర పాహి మాం త్వమ్ ॥2

 

కామాదిషణ్మత్తగజాఙ్కుశం త్వా-

- మానన్దకన్దం పరతత్వరూపమ్।

సద్ధర్మ​గుప్త్యై విధృతావతారం

వన్దే నృసింహేశ్వర పాహి మాం త్వమ్ ॥3

 

సూర్యేన్దుగుం సజ్జనకామధేనుం

మృషోద్యపఞ్చాత్మకభూతమస్మాత్।

ఉదేతి యస్మిన్రమతేఽస్తమేతి

వన్దే నృసింహేశ్వర పాహి మాం త్వమ్ ॥4

 

రక్తాబ్జపత్రాయతకాన్తనేత్రం

సద్దణ్డకుణ్డీపరిహాపితాఘమ్।

శ్రితస్మితజ్యోత్స్నముఖేన్దుశోభం

వన్దే నృసింహేశ్వర పాహి మాం త్వమ్ ॥5

 

నిత్యం త్రయీమృగ్యపదాబ్జధూళిం

నినాదసద్బిన్దుకళాస్వరూపమ్।

త్రితాపతప్తాశ్రితకల్పవృక్షం

వన్దే నృసింహేశ్వర పాహి మాం త్వమ్ ॥6

 

దైన్యాధిభీకష్టదవాగ్నిమీడ్యం

యోగాష్టకజ్ఞానసమర్పణోక్తమ్।

కృష్ణానదీపఞ్చసరిద్యుతిస్థం

వన్దే నృసింహేశ్వర పాహి మాం త్వమ్ ॥7

 

అనాదిమధ్యాన్తమనన్తశక్తి-

-మతర్క్యభావం పరమాత్మసఞ్జ్ఞమ్।

వ్యతీతవాగ్దృక్పథమద్వితీయం

వన్దే నృసింహేశ్వర పాహి మాం త్వమ్ ॥8

 

యో నృసింహసరస్వత్యా అష్టకం పఠతీహ సః।

దీర్ఘాయుః సంసృతిం తీర్త్వాఽభీష్టం లబ్ధ్వాఽమృతం వ్రజేత్॥9